Bizitzaren, Bakearen eta Lurraldean Geratzearen aldeko Karabana Humanitarioak Kolonbiako bost lurralde zeharkatu ditu 2024ko udan. Karabana hau Redher-ek (Kolonbiarekiko Elkartasun Ermandadearen Sareak) antolatu du, eta Kolonbiako zein nazioarteko ehun erakunde politiko eta sozialek baino gehiagok babestu dute. Bertan parte hartu dute hainbat euskaldunek, Komite Internazionalistak elkartasun politikoko erakundearen eskutik.
Hitzaldi honetan Kolonbia bizitzen ari den krisi humanitarioa ulertzeko gakoak ekarri nahi ditugu, hau bizi dutenen gorputzetatik. Krisia, besteak beste, paralimitarismoaren gorakadak ekarri du, gure lurraldeetan presentzia duten enpresa multinazionalekin lankidetzan. Lider sozialen hilketak etengabeak dira Kolonbian, eta komunitateen bizi proiektuak suntsitzeko hainbat estrategia egiaztatu dira Karabanan zehar.
Gizarte mugimenduen erresistentzia eta borroken berri ere eman nahi genuke. Hizlaria, Dairan Karina Renteria, Kolonbiako Pazifikoko Giza Eskubideen Ermandadearen Sareko militantea da, eta komunitateen eta giza eskubideen defentsan aritzen da lanean.