Palestinako errefuxiatuei babesa eta laguntza emateaz arduratzen den UNRWA elkartearen arabera, Gazako herritarren %90 kanpotik datorren giza laguntzaren menpe dago bizitzen jarraitu ahal izateko.
Gaza erabat txikitua dago, eta milaka dira non bizi ez daukatenak, horietako asko, aurretik behar bereziak dituztenak dira: haurrak, adinekoak, zaurituak, osasun arazo larriak dituztenak eta abar.
Genozidioak ikusgarritasuna galdu du, baina sufrimenduak Gazako herrian jarraitzen du. Horregatik, Elkar-ekinek mobilizatzen jarraitzeko deia egin du, eta ostiralerako, abenduaren 5erako, elkarretaratzea deitu du, 18:30ean, Sanjuandegiko biribilgunean.