"Gazari dagokionez, azpiegitura gehienek txikituta jarraitzen dute, laguntza humanitarioa tantaka iristen da eta armada israeldarraren erasoek ez dute etenik. Milaka herritarrek desplazatuak jarraitzen dute, ura kutsatuta dago tokirik gehienetan eta elikadura zein osasun arazoak handiak dira", salatu du Palestinako egoera Elkar-ekin taldeak.
Elkar-ekinek azpimarratu du Zisjordanian kolono israeldarren jazarpena areagotzen ari dela azken asteetan, "ehunka etxebizitza berri egin nahi dituzte, palestinarrak beraien etxeetatik kanporatzen ari dira eta hainbat mezkita erre dituzte".
Horregatik, protestan jarraitzea beharrezkoa dela uste du Elkar-ekinek. Horregatik, ostiralean, 18:30ean, Sanjuandegiko biribilgunea inguratzera gonbidatu dituzte herritarrak.