Uda joan da eta ikasturte berriarekin, urtero bezala, helduen bertso eskolak hasiko ditugu, aurten ere, Erniarraitz Elkartean.
Egurrezko mikrofonoari eta hezur-haragizko lagunei kantuan jarduteko gogorik baduzu, animatu eta eman izena. Bi talde (gutxienez) izango dira aurten ere:
- Astearte gauetan, 21:00etan, Haritz Etxeberria 'Ministro' gidari dela
- Ostiral arratsetan, 19:00etan, Jokin Urangaren laguntzarekin.
Izena eman edo edozein zalantza duzuela ere, jarri harremanetan Erniarraitz Elkarteko edozeinekin edo bidali e-posta bat helbide honetara: erniarraitz[a bildua]gmail.com
Eta bertso parranda
Ikasturtea martxa onean hasteko, gainera, aurten Bertso Parrandaren 5. edizioa izango da. Bilera orokorra urriaren 7an izango da, 21:00etan, Perez Arregi Plaza 1ean eta bilera horretan zehaztuko da aurtengo egutegia.