Joan den astean aipatu bezala, asteburuarekin hasi dute gure taldeetako batzuk aurtengo liga. Hiru talde dira datozen asteetan partidak jokatzen arituko direnak, baina joan den asteburuan bi talde soilik izan ditugu lehian.
Preferenteko mutilek larunbatean etxean jokatu zuten Aretxabaleta UDAren aurka. Gogotsu ekin zioten Alkortaren mutilek, baina azkenean kanpoko taldea nagusitu zen, 2-4.
Jubenil mutilek, berriz, igandean Zumaian jokatu zuten Zumaiakoren aurka. Horiek ere ez zuten nahi bezalako hasiera ematerik lortu, zumaiarrek irabazi baitzuten, 3-0.
Kadete mutilek datorren asteburuan jokatuko dute beraien lehen partida.