Preferenteko mutilek lehen partida hura ahaztu eta etxean dena ematera aterako dira hiru puntuak bertan geldi daitezen. Larunbat arratsaldean jokatuko dute 17:30ean, Mondragonen kontra.
Erregional mutilek etxetik kanpo jokatuko dute lehen partida, Zumarragan, Urola B taldearen kontra, 18:00etan.
Jubenil mutilen artean, berriz, derbia izango dugu. A eta B taldeak elkarren aurka jokatuko dute larunbatean, 12:00etan, Garmendipen. Denboraldia hasteko partida berezia izango dute denek ere.
Kadete A taldeak, Amaikak Baten kontra jokatuko du Iraetako zelaian, larunbatean, 18:00etan. Kadete B taldeak, berriz, Anaitasuna B hartuko du etxean larunbatean, 10:00etan.
Hasi da futbol denboraldia, eta animatu gure taldeak ikustera, zuen animoak beharko dituzte eta. Aupa mutilak!
#AupaIkas