Preferenteko mutilek atzo, igandea, Villabonan jokatu zuten, eta garaipen bikaina lortu zuten etxeko taldeari 0 eta 4 irabazi ondoren. Ea egoerari heldu eta datorren partidetan ere horrela jokatuz puntuak batzeko aukera duten.
Erregional mutilek etxean jokatu zuten Idiazabalen kontra, eta 0 eta 2 galdu zuten.
Jubenil mutilen A taldeak gutxi falta izan zuen Texas Lasarteko taldearen aurka puntu bat eskuratzeko, baina azkenean, etxekoak 3 eta 2 nagusitu ziren. B taldekoek, berriz, Lagun Onak Bren kontra jokatu zuten derbia, eta Lagunekoek irabazi zuten partida 0 eta 7.
Kadete mutilen A taldeak etxean jokatu zuen Zumaiako Bren kontrako neurketa, eta partida polita egin bazuten ere, Zumaiako taldeak 3 eta 2 irabazi zuen. B taldekoek, aldiz, Urkiren kontra jokatu zuten Eibarren; etxekoek 6 eta 0 irabazi zuten.
Infantilek ederki hasi dute denboraldia, Urola B taldeari 0 eta 1 irabazita.
#AupaIkas
Aste honetan gure taldeek jokatu dituzten partidetan lortutako emaitzak dira honako hauek.
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide