Berria txapelketako lehen kanporaketa jokatuko du Ilunpe Pilota Elkarteak asteburu honetan. Herriarteko txapelketaren egitura beretsua du Berria txapelketak eta azken urteetan indarra hartzen ari da. \
\
Kluben artean jokatzen den txapelketa honetan, kanporaketak jardunaldi bakar batean erabakitzen dira. \
\
Ilunpekoentzat aurtengo edizioan lehen kanporaketa izango den honetan, Txukun Lakua izango dute aurkari. Azpeitian bertan jokatuko da kanporaketa, igandean, 10:30etik aurrera Frontoi Txikian. Gasteiztarrak azkoitiarrei irabaztetik datoz, eta talde polita dutela erakutsi zuten. \
\
Ilunperen partetik, Alberdi eta Unanue arituko dira kadete mailan, Egiguren eta Iriarte jubeniletan, eta Etxaniz eta Murgiondo seniorretan.\
\
Herriartekoaren atarian, pilota giroan murgiltzen hasteko aukera ederra izango da igande goizekoa.\
Gaurko ametsak biharko albiste izan daitezen, beharrezkoa dugu zure babesa.
Egin bazkide
Egin bazkide