Gaur, bihar eta etzi Errendimendu Txapelketako eta Udaberriko Txapelketako hainbat neurketa izango dira herrian. Gaur, 19:00etan, lehen mailako infantilen bi partida izango dira, Frontoi Txikian.
Ostiralean, berriz, Errendimendu Txapelketako alebinen lehen mailako partida bat eta Udaberri Txapelketako seniorren lehen mailako beste bat jokatuko dituzte, 19:00etan hasita, Izarraitz pilotalekuan.
Zapatuan ere izango dira norgehiagokak Izarraitzen: Errendimendu Txapelketako alebinen bigarren mailako bi neurketa eta infantilen lehen mailako beste bi izango dira, baita Udaberriko Txapelketako kadeteen bigarren mailako eta lehen mailako beste bana ere.