Gipuzkoako Lau eta Erdiko Txapelketako eta Binakako Errendimendu Txapelketako hainbat partida izango dira gaur, bihar eta etzi herrian. Gaur, esaterako, lau eta erdiko lehiako bi norgehiagoka izango dira, 20:00etan hasita, Izarraitz pilotalekuan.
Bihar, berriz, binakako errendimendu lehiako bost partida jokatuko dituzte, 18:00etatik aurrera, Frontoi Txikian. Zapatuan ere izango dira norgehiagokak: 16:00etan, errendimendu txapelketako partida bat eta lau eta erdiko bi izango dira Izarraitzen.