Gipuzkoako kluben arteko txapelketako hainbat pilota partida izango dira ostiralean eta igandean Azpeitian.
Ostiralean, hiru norgehiagoka jokatuko dituzte Ilunpe elkarteko pilotariek 18:30ean hasita, Izarraitz pilotalekuan: kadeteen bigarren mailan, Ilunpek Hernaniren eta Lagunaken kontra jokatuko ditu partidak; jubeniletan, berriz, Ilunpe eta Azkoitia izango dira aurrez aurre.
Igandean, berriz, bi partida izango dira, 16:00etatik aurrera, Izarraitzen. Lehen neurketan, Ilunpe eta Lapke ariko dira nor baino nor, eta bigarrengoan, Ilunpe eta Tartaloetxe.