Gipuzkoako Euskal Pilota Federazioaren eskuz binakako txapelketako hiru partida jokatuko dituzte Ilunpe pilota elkarteko pilotariek bihar, zapatua, Izarraitz pilotalekuan.
16:00etatik aurrera, kadeteen hirugarren mailan, Ilunpekoek Oiarpe 1en kontra jokatuko dute. Segidan, jubenilen bigarren mailako bi partida jokatuko dituzte. Neurketa batean, Ilunpek Tolosa 1en kontra jokatuko du, eta bestean, Ilunpe 1ek Bergararen aurka.