Gipuzkoako Euskal Pilota Federazioaren eskuz binakako txapelketako sei partida jokatuko dituzte Ilunpe pilota elkarteko pilotariek gaur eta bihar artean.
Gaur, 18:30ean hasiko dituzte binakako pilota partidak, Frontoi Txikian. Kadeteen Hirugarren mailako Ilunpe bikoteak Pagozperen kontra jokatuko du. Segidan, jubeniletako Bigarren mailako Ilunpe 2k Aloña Mendi izango du aurkaria. Hirugarren eta azken partidan, jubeniletako Lehen mailako Ilunpe eta Tolosa 1 neurtuko dira.
Bihar, 16:00etatik aurrera, Izarraitz pilotalekuan izango dira eskuz binakako pilota partidak. Nagusien Hirugarren mailako Ilunpe 2k Behar Zana 1en kontra jokatuko du. Ondoren, Ohorezko Mailako Ilunpe eta Behar Zana neurtuko dira. Azkenik, jubenilen Bigarren Mailako Ilunpe 1ek eta Murumendik jokatuko dute elkarren kontra.