Asteburu honetan ere izango da Ilunpeko pilotari gazteak herrian lanean ikusteko aukera. Bihar eta etzi, guztira hamar partida jokatuko dituzte Ilunpekoek Izarraitzen zein Frontoi Txikian.
Bihar, 18:30etik aurrera, lau partida jokatuko dituzte Izarraitz pilotalekuan, hiru partida Udaberri Saria txapelketakoak eta bat Gipuzkoako eskuz binakako pilota txapelketakoa:
- Ilunpe 2 vs Aloña Mendi (jubenilen bigarren maila).
- Ilunpe vs Gazteleku (kadeteen bigarren maila).
- Ilunpe vs Arrasate (kadeteen hirugarren maila).
- Ilunpe 2 vs Hernanil 5 (kimuen bigarren urtea, lehen maila).
Frontoi Txikian, bihar, 18:15etik aurrera, eskuz binakako lau partida jokatuko dituzte:
- Ilunpe 1 vs Tolosa 2 (infantilen bigarren maila).
- Ilunpe 3 vs Ataun (infantilen bigarren maila).
- Ilunpe 2 vs Lapke1 (infantilen bigarren maila).
- Ilunpe 2 vs Aretxabaleta 3 (kimuen bigarren urtea, bigarren maila).
Larunbatean, berriz, bi pilota partida jokatuko dituzte Izarraitz pilotalekuan: 16:00etan, gizonezko kadeteen eskuz binakakoa jokatuko du Ilunpek San Migelen kontra. Segidan, 16:45ean, Udaberri Sariko eskuz binakako txapelketako N1 mailako Ilunpe 3k eta Gaztelekuk elkarren kontra jokatuko dute.