Ilunpeko pilotari gazteek hiru final jokatu dituzte asteburuan, eta horietatik bi irabazi dituzte: Gipuzkoako Eskuz Binakako Errendimenduko kimuen lehen mailakoa eta Gipuzkoako Udaberri Sariko eskuz binakako jubenilen lehen mailakoa. Gipuzkoako Eskuz Binakako Errendimendiko infantilen lehen mailako Ilunpeko bikoteak ez du lortu finala irabaztea.
Ostiralean Gipuzkoako Eskuz Binakako Errendimenduko kimuen lehen mailako finala jokatu zuten Ilunpeko bi bikotek Frontoi Txikin. Xuban Arandia eta Ibai Larrañaga pilotariak izan ziren txapeldunak, Hodei Baltzolari eta Aitor Erasori 16 eta 12 irabazita.
Ilunpeko infantilak, ostiralean, Oñatiko Zubikoa pilotalekuan. (Ilunpe)
Gipuzkoako Eskuz Binakako Errendimenduko infantilen lehen mailako finala ere jokatu zuten Ilunpekoek ostiral arratsaldean. Oñatiko Zubikoa pilotalekuan Paul Egigurenek eta Aiurdi Peñagarikanok Arrasate 1 bikotearen kontra 18 eta 14 galdu zuten.
Atzo igandea, berriz, Gipuzkoako Udaberri Sariko eskuz binakako azken txapelketak jokatu zituzten Tolosako Beotibar pilotalekuan. Jubenilen lehen mailako txapelketa lortu zuten Ilunpeko Jokin Artetxek eta Ekain Azkuek Tolosako Hodei Castroren eta Aitor Perurenaren aurka 22 eta 18 irabazita.