2025-2026 denboraldiko lehiak gaur hasiko dira Ilunpe pilota elkartearen ordezkarientzat. Batetik, ezker hormako Gipuzkoako Kluben Arteko Txapelketaren lehen jardunaldiko partidak jokatuko dituzte hainbat pilotarik; eta, bestetik, pilota eskolako gaztetxoek ere gaur ekingo diote sasoi berriari.
Gipuzkoako Kluben Arteko Txapelketaren barruan, 18:30ean hasita, lau partida jokatuko dituzte Ilunpekoek Izarraitz pilotalekuan. Hau da gaur arratsaldeko karteldegia:
- Nagusien 3. maila, eskuz binaka: Ilunpe - Lapke 2
- Nagusien 1. maila, eskuz binaka: Ilunpe - Lapke 1
- Kadeteen 2. maila, eskuz binaka: Ilunpe 1 - Alde Zaharra
- Kadeteen 2. maila, eskuz binaka: Ilunpe 2 - Hernani 3