Izarraitz Igeri Elkarteko infantil, junior eta absolutu mailetako igerilariek Neguko Liga probintzialeko lehen jardunaldia izango dute zapatuan. Lehiaketa Eibarko Ipurua igerilekuan izango da, arratsaldeko 15:30ean hasita. Izarraitzeko 17 igerilarik eman dute izena Eibarrera joateko; Azpeitiko igerileku aurrean elkartuko gara 13:45ean, kotxeetan banatzeko.
Zapatu arratsaldez baita ere, Izarraitz Igeri Elkarteko kimu mailako igerilariek Alebin Ligako lehen jardunaldia izango dute. Txapelketa Oñatiko Zubikoa igerilekuan izango da, 15:30ean hasita. Hauek 13:30etan elkartuko dira igerileku aurrean kotxeetan banatzeko.
Gure igerilariek irailean hasi zituzten entrenamenduak eta bakoitzaren sasoia nolakoa den jakiteko balio izango du astebukaerako lehiaketak.
Zorte on denei!