Izarraitz igeri elkarteko gaztetxoenek ligako hirugarren jardunaldia jokatuko dute larunbatean, martxoak 12, Azkoitiko igerilekuan. Jardunaldia 16:00retan hasiko da, baina aldez aurretik, 15:00retan, beroketa lanak egingo dituzte. Horregatik, 14:45ean geldituko dira,
Azkoitiko igerilekuko sarreran. Izarraitzeko 45 igerilarik izena eman dute izena han parte hartzeko. 2013. eta 2012. urteetan jaiotakoak 50 metro bular edo 100 metro bular proban eta 6×25 tximeletako errelebo mistoetan lehiatuko dira. Maila horretako nagusienek, 2011n jaiotakoek, aldiz, 50 metro libre, 100 metro bular edo 200 metro bular eta 4×50 tximeletako erreleboa egingo dute.
Animo, eta zapatuan kirol honetaz gozatzera eta ikastera!