Larunbatean, Itzurun-Arranpla zeharkaldia jokatu zuten Zumaian, eta Azpeitiko Izarraitz igeri elkarteko zenbait lagunek parte hartu zuten han. Parte hartu bakarrik ez, ordea; haurren mailan Izarraitzekoak podiumera ere igo ziren.
June Altunak 1.000 metroko proba irabazi zuen, eta 500 metrokoan Nora Aranagak bigarren eta Nahikari Amezuak hirugarren egin zuten.
Atzo, bestalde, Ondarroan (Bizkaia) jokatu zuten itsas zeharkaldian, Altunak 600 metroko haurren proban lortu zuen garaipena.
