Atzo, ekainak 11, Izarraitz inguruetatik ibilaldi neurtua egin zuten 200 inguru lagunek, Lagun Onak Mendi Bazkunak antolatuta. Urtero moduan, bi ibilbide prestatu zituzten atzoko hitzordurako: ibilbide luzea eta ibilbide motza. Luzea 26 kilometroko luzerakoa zen, eta honako ibilbidea egin zuten parte-hartzaileek: Azpeitia-Erlo-Attola-Ondarbaso-Azpeitia. Bide motza, berriz, 16 kilometrotakoa izan zen, eta bertan parte hartu zuten lagunek Azpeitia-Erlo-Zamaleku-Ordarbaso-Azpeitia ibilbidea osatu zuten.
Ibilaldia amaitu ondoren, sabelak betetzeko tartea hartu zuten parte-hartzaileek, eta giro ederrean paella bazkaldu zuten Frontoi Txikian.
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide