Ekainaren 18rako 'entrenamendua' proposatzen dizuegu. Zertarako? Uztailaren 2an egingo den #PirinioetakoBidea ekintzarako. Horretarako, Azpeitiko Gure Eskurekin elkarlanean, Larhun mendira irteera antolatu dugu. Egun osoko ibilaldia izango da, helduentzat: 08:00etan irtengo da autobusa anbulatorio aurretik.
Beratik (Nafarroa) igoko dugu mendia, uztailaren 2an egingo den ibilbidea ikuskatzeko, eta ondoren Lapurdin barneratzea proposatzen dizuegu: Sarara jaitsi, eta handik Senperera, txangoa aintzira ondoan amaitu arte, 16:00 aldera. Paisaia ederrak eta bide atseginak, beraz, ez pentsatu gehiegi, eman izena gure webgunean eta etorri gurekin! Lagun Onak MBren bazkideek 10 euro ordaindu behar dute, eta bazkide ez direnek 15 euro.