Urtero bezala, aurten ere Aizkorrira irteera egingo dugu Lagun Onak MBkook Urtezahar egunean, ohiko ibilbidea jarraituz: Otzaurtetik atera, gailurrera igo eta Urbiara jaitsi, Arantzazurako bidea eginez amaitzeko. Gure irteera klasikoetako bat, urteari gehien gustatzen zaiguna eginez agur esateko: mendian! Izen ematea jada martxan dugu gure webgunean, beraz, animatu eta etorri gurekin!
Irteera 07:00etan izango da, anbulatorio aurretik. Ordaina autobusean bertan egingo da; bazkideek 10 euro ordaindu beharko dituzte, eta bazkide ez direnek, 15 euro. Izena emateko azken eguna abenduaren 29a, osteguna, 21:00etan izango da.