Martxoan eguraldiak zapuztu zuen plana pasa den astebururako antolatu zuen Lagun Onak mendi bazkunak, eta oraingoan eguraldia lagun izan dute asteburua Pininioetan igaro duten herritarrek. Orotara, 17 mendizalek parte hartu dute irteeran.
Hasiera batean Arriel (2.824 metro) eta Musales (2.652 metro) mendiak igo behar zituzten, baina ibilbidea aldatu zuten Larunbatean, Souquesetetik abiatu eta Arrieletako itzuli zirkularra egin zuten, Petit Arriel (2.683 m) mendia igoz. Hurrengo egunean, Anayet (2.574 m) mendia izen bereko eski pistetatik igo zuten, eta, ondoren, Canal Royatik jaitsi ziren.
Argazki galeria Lagun Onak mendi bazkunaren Flickr kontuan dago ikusgai.