Izarraitz-Marea Urdina igeriketa sariaren bigarren edizioa izango da etzi, larunbatez, udal igerilekuan. Ekitaldi inklusibo horrek maila guztietako igerilariei irekiko dizkie ateak; hasiberriek nahiz zaildutako igerilariek jardun ahal izango dute.
Sariketa 16:45ean hasiko da, federatu gabeko igerilarien probekin. Ondoren, 2024-2025eko Euskadiko Igeriketa Egokitu Ligako jardunaldia jokatuko dute. Oraindik ere bada izena emateko aukera, honako lotura honetan. Gainera, ekitaldiaren bukaeran merienda egingo dute partaide guztiek.
"Gure helburua igeriketa guztiontzat eskuragarri egitea da. Maila teknikoa ez da garrantzitsua, baizik eta parte hartzeko eta disfrutatzeko gogoa izatea", azpimarratu dute sariketaren antolatzaileek.