Bihartik maiatzaren 1a arte, federatuentzako Disdira Bitxitegia I. Zirkuitoa tenis txapelketa jokatuko da Azpeitiko kiroldegian, Oñatz tenis klubak antolatuta.
Alebin eta kadete mailako neska-mutilek parte hartuko dute txapelketan, eta herriko hainbat jokalari ikusteko aukera ere izango da bertan. Bihar, larunbata, txapelketaren lehen jardunaldian, Oñatz tenis klubeko Julen Saizarrek 11:00etan eta Naia Oleak 12:15ean jokatuko dute. Igande goizean, berriz, Oihan Pagolak jokatuko du bere partida.