Azaroaren 15ean Euskal Herriak eta Palestinak futbol partida jokatuko dutela eta, kalejira egingo dute euskal taldeen harmailek eta Palestinarekin Elkartasuna plataformak, partidaren aurretik. 18:30ean hasiko da kalejira Areatzatik San Mamesera.
Horren harira, futbol zelaira eta kalejirara joateko deia egin dute asteburuan Lagun Onakeko eta Pasaiako gizonen lehen taldeetako futbolariek; izan ere, Garmendipen jokatu zuten horiek norgehiagoka.
Bi aste besterik ez dira falta neurketarako, eta "su etena"-ren urraketak gero eta gehiago ari dira izaten. Horren adibide dira azken asteotako palestinarren erailketak, laguntza humanitarioaren blokeoa... Estatu sionistaren desegitea aldarrikatzen jarraitu behar dugu, baita Palestinako erresistentziari babesa adierazten eta Israelekiko harremanak dituzten enpresak, banketxeak nahiz alderdi politikoak seinalatzen ere.
Azaroaren 15eko kirol ekitaldiak balio dezala mezu horiek ahalik eta jende gehienarengana iristeko. Azaroaren 15ean, Bilbora! Israel desegin! Gora Palestinako erresistentzia!