Irudi batek mila hitzek baino gehiago balio duela diote. Irudi honekin, herrietatik aho batez eta ozen esan dugu bizirik nahi ditugula; bizirik nahi ditugu mendiak eta bizirik mendia osatzen duten osagai ordezkaezin bakoitza.
Bizirik nahi ditugu horma irudiaren kanpainari bukaera ematera goaz Azpeitiko Plaza Txikian jarri dugun irudi ederrarekin. Laster izango dugu ikusgai Azkoitian, Zestoan eta Errezilen ere.
Jaso ditugun 450 argazkiengatik eskerrak eman nahi dizkizuegu; horrelako ekintza txikietan nahiz bestelako ekitaldietan eman dezake borroka honetan bere alea gutako bakoitzak. Adi, beraz, aurrerantzean ere han eta hemen egingo diren deialdiei.
Hurrengo hitzodua martxoaren 22an izango da, Gasteizen: Euskal Herria ez dago salgai leloarekin Euskal Herria Bizirikek antolatutako manifestazioa. Hara joateko autobusak antolatuko dira, eta ohiko tabernetan izango dituzue joan-etorrirako izena emateko zerrendak.
Jarrai dezagun lurraren defentsan bidea egiten!