Aurten, Maiatzaren 31tik, Ekainaren 5a bitarte ospatuko dira
"Xanjuandeiko Festak". Hurrun zirudien astea, ia gainean dugu. Baina ez
gaitu ez, ezustean harrapatu. Auzotar talde batek, asteak daramatzagu
aurtengo egitaraua osatzen.
Ilusioz eta indarrez ekin diogu
auzolanari, aurreko urteetan bezala, auzoko festak indartzeko asmoz.
Azpiegiturari, komunikazioari, auzo izaerari eta parte hartzeari bide
emanez, aurrera goaz. Beste urte batez, berrikuntzak izango dira.
Egitarau guztia aurreratzerik ez badugu ere, izango diren hainbat
kontzertu publiko egin nahi ditugu, hauetan ere apustu handia egin
baitugu.
Ekainaren 3an (ostirala), "Never Surrender" eta
"Itziarren semeak"en kontzertuak izango ditugu. Ondoren "Laket"
taldearekin, erromeria izango da goizaldera arte. Ekainaren 4an berriz,
"Skandalue" elektrotxarangak eta "121 Krew"ren hip-hop erritmoek
alaituko dute arratsaldea. Gauean, "Fiachras" eta "Ze Esatek!"en
kontzertuetaz gozatzeko parada izango da. Eguna borobiltzeko, "DJ
Referee"ek jarriko du musika karpan.
Ilusioa, indarra,
berrikuntzak... baina nola ez, guztiontzat zeregina ere izango da. Ehun
txanda inguru burutu beharko dira aurtengoan, auzoko festetan. Zentzu
horretan, dei egin nahi diogu, auzoko festak indartzea nahi duen orori.
Bakoitzak geure alea jarriz, emaitza ikaragarria izan daiteke.
Sanjuandegiko Festetan bere ekarpena egin nahi duen edonori edo
besterik gabe hauen inguruko informazioa jaso nahi duen edozeini,
Maiatzaren 3an, gaueko 21:00tan, auzoko lokalean egingo dugun bilkura
zabalera agertzeko gonbidapena luzatzen diegu. Inongo konpromezurik
gabe, gusto handiz azalduko dizkizuegu aurtengo festen nondik norakoak.
Han ikusiko garelakoan, agur bat!
Xanjuandeiko Festa Batzordea
http://www.blogak.com/xjauzolanean