Gauzak asko aldatu eta gauza asko aldatu dira XX. mende hasierako urteetatik, baina badira hainbeste ez edo oso gutxi aldatu diren erreferentziak ere.
Indalecio Ojangurenek 1916an atera zuen hil honetako Zaharrak berri saileko argazkia Loiolan, baina 2024ko azpeitiar gehienei ez zaie batere arrotza egingo: mazolariak, eta haiei begira hainbat ume, saninazioetan –San Inazio bigarrenez, agian–, basilikatik herrira bidean, kasu honetan. Izan ere, badira urteak abuztuaren 1ean parrokiatik Loiolara prozesiorik ez dela egiten, baina ordezkari politikoek jarraitzen dute Loiolara hots handiz joaten. Mazolariak aurretik dituztela joan izan dira duela oso gutxira arte.