Gaur arratsaldean Korrika eskualdean barrena nondik nora dabilen zuzenean ikusteko aukera izango dute herritarrek Gukaren webguneen eta Guka Telebistaren bidez, eta baita biharko Korrikaren amaierako ekitaldia ere. Bilbon izango da ekitaldi hori, 11:00etatik 13:00etara, eta han izango da Andoni Elduaien Gukako kazetaria, hainbat hedabidek elkarlanean egingo dute saioan parte hartzen.
Horrez gain, 24. Korrikaren inguruko erreportaje zabal bat prestatzen ari da Guka, eskualdeko herritar ugariren testigantzekin eta irudi ikusgarriekin. Erreportaje hori bihar iluntzean bertan ikusi ahal izango dute Gukaren bazkideek primizian, eta astelehen arratsaldetik aurrera egongo da ikusgai gainontzeko herritarrentzat.