Soreasun hasi dituzte jada auzo-konposterako gunea prestatzeko lanak (argazkian). Auzoko iturri alboan kokatuko da eta, Udalaren aurreikuspenen arabera, abuztu aurretik abian izango da gunea. Aurretik, ikastaroa eskainiko zaie gune horretako auzo-konpostajean parte hartuko duten herritarrei. Soreasukoa herriguneko lehendabiziko auzo-konposterako gunea izango da.