Egun handia izan zen atzokoa Realarentzat eta realzaleentzat; egun handia Unai Marrerorentzat eta Igor Zubeldiarentzat, Espainiako Kopako finala irabazi baitzuten haien bihotzeko klubarekin. Herrikideak nahiz kluba animatzeko, Urola Kostako ehunka zale joan zen Sevillara, tartean Gukako Aitziber Arzallus eta Enara Arozena, eta denen pozerako koparekin itzuliko dira eskualdera. Zaleen gunean grabatutako irudiekin eta adierazpenekin osatutako bideoa da hau.  

Eneko Elustondo metereologoak datozen egunetarako eguraldi iragarpena egin du. Urola Kostan ez ezik, Sevillan jarri du begirada; izan ere, eskualdeko jende ugari doa hara Reala animatzera. Bertako festak ez ditu ahaztu Elustondok, eta Zumaiako santelmoetako repetizioetan zer eguraldi egingo duen ere kontatu du Ez da giro-ren bigarrengo atalean.