Ekainaren 3ra arte egongo da zabalik Erabakiaren erakusketa, Foruen Ibilbideko udal erakusketa aretoan. Bertan, Azpeitiko Gure Esku Dagoren sorreratik antolatu diren ekitaldi guztien argazkien bilduma osatu dute: 2013ko irailaren 24ko aurkezpena, gizakatea, herri galdeketa, lipdub-a eta bozketaren eguneko argazkiak daude ikusgai, besteak beste.
Astelehenetik ostiralera 17:30etik 20:00etara irekiko dituzte ateak. Eta, astearte eta larunbatetan goizez ere bai, 10:30etik 12:30era.
Ekainaren 27an lau urte beteko dira Azpeitian Gure Esku Dagok bideari ekin zionetik, eta datozen asteetan ere hainbat ekitaldi egingo dituzte Azpeitian nahiz Bilbon. Informazio guztia ikusgai, hemen.