Kultur Mahaiaren batzarra, larunbat honetan

Erabiltzailearen aurpegia Azpeitiko Kultur Mahaia 2012ko abe. 27a, 12:20

11:00etan hasiko da batzarra, Baigera I aretoan. Gaiak: 2012an egindakoa, martxan den Azpeitiko kultur bonoa, kultur mugimenduaren gogoeta, Sanagustin... Bestetik, Kultur Mahaiak III. Kulturaldiaren balorazio ona egin du.

Azpeitiko Kultur Mahaiak larunbat honetan egingo du urteko ohiko batzarra: 11:00etan, Baigera I aretoan. Bazkideak eta bilguneko taldeak daude deituta. Gai zerrenda:

Kultur Mahaia:

- 2012an egindakoa eta 2013ko aurreikuspena.
- Azpeitiko kultur bonoaren egitasmoaren azalpena.
- Herriko kultur mugimenduaren gogoetaren txosten garatuaren azalpena.
- Zuzendaritza. Egungoek segitzea eskatuko da: Alex Silvak, Edu Aranak eta Enekoitz Esnaolak.

Sanagustin kulturgunea:

- 2012an egindakoa eta 2013ko aurreikuspena.
- Kooperatibaren eraketa prozesuaren amaiera.

Galdera-eskeak.

Azpeitiko kultur talde guztiek (22ek), udal taldeek, kultur teknikariek, Sanagustin kulturguneko ordezkariek eta bazkide norbanakoek osatzen dute bilgunea. Kultur Mahaiak ia 400 bazkide ditu (bazkidetzeko aukera).

III. Kulturaldiaren balorazio ona

Igandeko bertso saioarekin bukatu zen Azpeitiko Kultur Mahaiak antolatutako III. Kulturaldia. Ona da balorazioa: aniztasuna egon da ekimen eta espazio aldetik, eta ia mila lagun izan dira denera.
 
- Abenduak 5: Zuloak dokumentala Soreasun. 50 lagun joan ziren.
 
- Abenduak 8: Zuloak eta Bizardunak taldeen kontzertua Sanagustinen. 300 lagun. Hemen lau argazki.
 
- Abenduak 11: Pako Aristiren hitzaldia Baigera I-en, bere Independentziaren paperak liburuari buruz. 25 lagun. Hemen hitzaldiko kronika.
 
- Abenduak 14: Sahararen aldeko afari musikatua Sanagustinen. 40 lagun. Hemen afari musikatuko argazkiak.
 
- Abenduak 17 (urtarrilaren 10era artean): Miriam Quintana eta Beatriz Pozo Arte eta Diseinu zentroko irakasleen erakusketa Sanagustinen. Hemen irekiera ekitaldia.
 
- Abenduak 20 (urtarrilaren 7ra artean): herriko 21 dendatan herriko 19 artisten kuadroak-artelanak, erakusleihoetan. Hemen artelan bat denda batean.
 
- Abenduak 23: Txapel-en omenezko bertso saioa Sanagustinen. 400 lagun. Hemen saioari buruzko artikulua.
 
Kultura Azpeitia

Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide