Bertan merkatari elkarteak azken bi sariak banatuta amaitu du 2012-2013 sasoiko Gabonetako kanpaina. Guztira 2.000 euro banatu dituzte Bertaneko merkatariek, hiru zozketatan, elkarteko saltokietan erosketak egin dituztenen artean.
Abenduaren 22an eta 29an egin zituzten aurreko zozketak, eta azkena joan den zapatuan, urtarrilaren 5ean. Azken zozketa horretan bi sari banatu zituzten: 500 eurokoa Esther Odriozolarentzat izan da (Aneitzen egindako erosketagatik), eta 200 eurokoa Mari Karmen Camposentzat (Boersen egindako erosketagatik).