Eguraldia lagun, jende ugari elkartu zen atzo, igandea, Xoxoten eta inguruetan, Zuzenien lasterketaren harira. Iaz baino 35 lasterkari gutxiagok, 132 neska-mutilek, bukatu zuten proba eta Iñigo Lariz elgoibardarrak (00:31:00 minutu) irabazi du aurtengo proba. Lagun Onak Mendi Bazkunak antolatutako V. Zuzenien Mendi Lasterketa Bertikalean bigarrena Oier Ariznabarreta (00:31:31) izan zen eta Imanol Goñi (00:31:40) izan zen hirugarrena.
Aitziber Ibarbia zizurkildarra izan zen proba bukatu zuen aurreneko emakumea, eta 00:37:30 minutu behar izan zituen lasterketa bukatzeko. Sailkapen orokorrean 31.na izan zen Ibarbia. Bigarren emakumea Nerea Amilibia aiarra (00:40:44) izan zen, eta Jone Urkizu azpeitiarrak (00:42:25) osatu zuen emakumezkoen podiuma.
Hamazazpi herritarrek bukatu zuten proba. Xabier Lasak, iazko gisan, bosgarren postuan bukatu zuen proba, eta Xoxotera azkarren igo zen azpeitiarra izan zen (00:37:30). Bigarren azpeitiarra Jexux Zelaia izan zen (00:34:51), eta Joseba Altuna, berriz, hirugarrena. (00:35:29)
Probaren sailkapen osoa ikusteko egin klik hemen.
Probako argazkiak jarri dituzte Urola Kostako Hitza egunkariaren webgunean.