Solea Morente y Los Evangelistas eta Rural Zonbis taldeek kontzertua eskainiko dute bihar, zapatuan, Sanagustin kulturgunean, 23:00etan hasita. Kontzerturako bi sarrera zozkatu ditu Uztarriak bazkideen artean, eta sarrera bana eskuratu dute Haritz Arakistainek eta Nerea Urangak.
Solea Morenteren aitaren izena esan behar zuten bazkideek zozketan parte hartzeko, eta zuzen erantzun duten guztien artean egin du zozketa Uztarriak. Erantzuna Enrique Morente da, eta Uztarria saritutako bazkideekin harremanetan jarriko da, sarrerak nola eskuratu behar dituzten adierazteko.
Kontzerturako sarrerak salgai daude Sanagustin kulturgunean eta lotura honetan. Kontzerturako sarrerak aurrez erosita 18 euro balio du, eta egunean bertan erosita 22 euro.
Lehiaketa gehiago datozen asteetan
Uztarria Komunikazio Taldeak gisa honetako lehiaketa gehiago egingo ditu datozen asteetan eta hilabeteetan, beraz, bizkor ibili eta egin zaitez Uztarriako bazkide! Horretarako klikatu hemen, eta abantaila ugariz gozatu ahal izango duzu.