Gaur, asteazkena, da saninazioetako Ume Egunerako izena emateko azken eguna. Goizean plazako arkupeetan izan dira Marea Arroxako kideak izenak biltzen eta arratsaldean ere bertan izango dira, 17:00etatik 20:00etara.
2005etik 2011ra bitartean jaiotako haurrek eman beharko dute izena. Bete beharreko fitxak izena emateko mahaitxoan bertan egongo dira, baina argazki bat ekartzea eskatzen dute antolatzaileek. Bestalde, ume bakoitzak 4 euro ordaindu beharko ditu, kamixeta eta bazkariaren gastuak ordaintzeko.