Santa Ageda bezpera izan zen atzo, eta usadioari jarraituz, santa eskean aritu ziren herriko ikastetxeetako ikasleak goizean zein arratsaldean. Gau aldera, aldiz, Azpeitiko Ikastola Ikasberriko haurren eta gurasoen taldearen txanda izan zen. Urtero bezala, makilak eskuan hartuta eta bertsoz zein trikitiz lagunduta herriko kaleetan barrena ibili ziren, 19:00etan hasita. Hainbat txokotan geldialdiak egin ostean, tabernaz taberna ere aritu ziren kantari. Eguraldiak askorik lagundu ez zuen arren, giro paregabean ospatu zuten, beste urte batez, Santa Ageda bezpera.