Istripu larria izan zen atzo, igandea, Lasaon. 18:35 inguruan izan zen ezbeharra, GI-631 errepidean, Azpeitia eta Zestoa artean, Lasao auzoaren parean, eta auto batek eta moto batek talka egin zuten. Ondorioz, moto gidaria larri zauritu zen eta osasun langileak hura suspertzen saiatu baziren ere, moto gidaria hil egin zen. Uztarriak baieztatu izan ahal izan duenez, 39 urteko zumaiar bat da hildakoa.
Gertatutakoa argitzeko ikerketa abiatu du Ertzaintzak, eta orain istripuaren unean izandako lekukoen bila dabil. Horretarako, ikerketako agenteekin harremanetan jartzeko eskatu dute, 943-53 91 19 telefonora deituta.
