Asteartean Iraurgi Ikastetxean eta Azpeitiko Ikastola Ikasberrin egin bezala, gaur, ostirala, Olentzerok eta Mari Domingik Azpeitiko Karmelo Etxegarai Ikastolako haurrak bisitatu dituzte. Ikastolako ikasleek trikiti doinuekin egin diete harrera bi ikazkinei, eta bikoteari beraien esker ona adierazteaz gain, txikienek eskutitzak ere jaso dituzte.
Gaur hartu dituzte Gabonetako oporrak ikastolan, eta jai giroa nagusitu da goiz osoan zehar eskolan; izan ere, ikasleek ilusioz hartu dute ikazkinen bisita eta abestuz nahiz dantzatuz igaro dute goiza. Hirugarren zikloko ikasleak, berriz, San Martin egoitzara joan dira hango egoiliarrei Gabon kantak abestera.
(Argazkiak: Azpeitiko Karmelo Etxegarai Ikastola)
