Oinezkoen irisgarritasuna hobetzeko lanak hasi zituen atzo Azpeitiko Udalak Olazko Andre Mariaren plazan. Alde batetik, plaza ondoko lur azpiko garajeen sarrerako espaloia –Etxe Alairako igogailura eramaten duena– eta Arana kalera doana lotzeko zebrabidea jartzen ari dira; eta bestetik, Olazko Andre Mariaren plazaren atzetik Arana kalera doan espaloiaren ondoan, Buztintzuriko Errebaleko etxeen atzeko pasabidera jaisteko eskailerak dauden tokian, maldatxoa eraikitzen ari dira. Lan horiek tarteko, obretan ari diren espaloia itxita egongo da oinezkoentzako.
Lanak bukatzeko bi hilabete inguru beharko dituztela adierazi du udalak.