Jendaurrean Ehuntzeko Nazioarteko Egunaren harira, Kotoi mertzeriako kideek deituta, plazara atera dira gaur arratsaldean. 17:00etatik 19:30era puntua egiteko elkartu dira plazan, eta herritarrek nola ehundu ikasteko aukera ere izango dute.
Ekainaren 12an izaten da Ehuntzeko Nazioarteko Eguna, eta iaz ere egun horren aitzakian puntua plazan egiteko hitzordua antolatu zuen Kotoik. Orduko hartan harrera polita izan zuen ekimenak. Hariak ez ezik, harremanak ehuntzeko ere baliatu zuten saioa.