Goizeko datuekin alderatuta –%28,02k zuen botoa emanda eguerdian–, arratsaldean are eta nabarmenagoa zen Europako Legebiltzarrerako hauteskundeetako parte hartze datuen jaitsiera. Hauteslekuak ixteko bi orduren faltan, erroldaren %36,76rek zuen botoa emanda 18:00etan; hau da, 1.200 herritarrek emana zuten botoa. Hori horrela, 2019ko hauteskundeekiko 18,75 puntu jaitsi da parte hartzea arratsaldean.
Gipuzkoan hautesle erroldaren %40,18k eman du botoa arratsalderako Gipuzkoan, eta 2019tik 12,91 puntu jaitsi da parte hartzea.
20:00etan itxi dituzte hauteslekuak, eta 23:30erako jakingo dira emaitzak. Webgune honetan grafiko bidez emango dira emaitza horiek, eta bihar albiste landuagoa irakurtzeko aukera egongo da.