Egur Sport-ek Urrezko Aizkora deituraren pean antolatzen dituen txapelketen urteko hitzordu nagusienetakoa jokatu zuten atzo Urrestillako Txikuri pilotalekuan. Iker Vicentek, Malen Barrenetxeak eta Karmele Gisasola Zelai III.ak jantzi zituzten jardunaldiko txapel nagusiak, baina aizkorako bi final nagusiez harago zer ikusi eta zertaz gozatu ez zuten falta izan frontoian elkartu ziren herri kirolzaleek.