Adinekoen komunitatean sozializatzearen onurak hitzaldia izan da gaur Azpeitiko Baigera jubilatuen elkarteko aretoan. 16:30ean hasita, adinekoen harremanen garrantziaz mintzatu da Garazi Etxaniz Azpeitiko Adinkideko gizarte garapenerako arduraduna. Hainbat lagun bertaratu dira.
Adineko pertsonen sozializazioa bultzatu nahi du Adinkide elkarteak, beraien osasuna eta bizi kalitatea hobetuz. Adinkide herrian egiten ari den lana azaldu du Etxanizek hitzaldian, elkartearen helburu nagusia bakardade ez aukeratua jasaten duten adineko pertsonei konpainia, elkarrenganako afektua eta adiskidetasuna eskaintzea delako.
(I. E.)