Larunbatetik igandera atzeratu dute Azkoitiko XII. Kriket Txapelketa, biharko euria dagoelako iragarrita. Hori hala, igandean jokatuko dituzte txapelketako partida guztiak, 08:30ean hasita, Azkoitiko Oteiza frontoietan zein Azpeitiko Goenako zelaian.
Hamasei talde arituko dira norgehiagoka, lau multzotan banatuta, eta besteak beste, Azkoitiko, Azpeitiko, Zumarragako (Gipuzkoa), Eibarko (Gipuzkoa), Donostiako eta Gasteizko taldeak elkartuko dira txapelketaren bueltan.
Hasiera batean, Oteiza pilotalekuetako frontoi luzean jokatzekoak ziren partida guztiak, baina lehia gehiegi ez luzatzeko, partida horietako batzuk Azpeitiko Goenako zelaian jokatzea erabaki dute. Hori horrela, goizeko 09:00etan hasita, bi multzotako lehiak Oteiza frontoietan jokatuko dituzte, eta beste bi multzoetakoak Azpeitiko Goenako zelaian. Behin partida horiek amaituta, finalerdiak eta finala Oteizako frontoi luzean jokatuko dituzte, arratsaldean.