Datorren asteazkenean, hilaren 24an, 16:30etik 20:30era egingo dute uztaileko odol ateraldia Azpeitian. Odol Emaileen Elkarteko herriko arduradunek, odola ematearen garrantzia berriz azpimarratzearekin batera, asteazkenean odola ematera joan nahi dutenek dagoeneko txanda ahrtzeko modua dutela gogorarazi nahi dute.
Gaur eguerditik datorren astearte goizera arte Gotatanta.eus webgunean hartu daiteke txanda; eta astelehenetik asteazken eguerdira arte baita telefonoz ere, 943-00 78 84 zenbakira deituta, 08:30etik 13:30era.
Egoitza berrian
Azpeitiko odol emaileek ekaineko ateraldian estreinatu zuten egoitza berria, eta hantxe egingo dute, nola ez, uztaileko odol ateraldia ere. Bizi Berri adinekoen etxeen beheko solairuko erabilera anitzeko gelan egingo dituzte aurrerantzean odol ateraldiak, Elizkalean.