Haujijijai festa batzordeak azken urteetako argazkiak bildu eta ikusgai jarri ditu plazan. Atzo, astelehenez, egun osoan zehar askotariko lanak egiten aritu ziren festa herrikoien batzordeko kideak, tartean kale apainketarako prestaketak egiten. Arratsaldean, ordea, argazki erakusketa prestatu zuten, eta ikusgai jarri zituzten urteetan zehar ateratako argazkiak. Ikusmina sortu zuen, eta hainbat izan ziren argazkiak ikustera bertaratu zirenak.
Datozen egunetan jarraituko dute egitarauarekin.