Santioen aitzakian, afaria egin dute aurten ere Done Jakue kaleko bizilagunek. Atzo, Santio bezpera, Frontoi Txikin elkartu ziren auzotarrak, kaleko festa ospatzeko. Hitzordura animatu zirenak 20:30ean hasi ziren afariarekin, baina izan zuten festa luzatzeko aukera; izan ere, aurten Urbieta DJak girotu zuen gaua. Txikienek jolasak ere egin zituzten, eta helduek dantzan borobildu zuten santiotarren jaia.
(Argazkiak: Utzitakoak)